Ativista Sisto Hakotu Jornada Iha Mundu, Tristeza Hafalun Povu Timor Leste
DILI|BIDIKDUNIA.Com)- Ativista Direitus Humanos, Justisa no Líder Jerasaun Foun Visionário Sisto dos Santos Hakotu Nia Jornada Iha Mundu, Sidadaun Krítiku, Matenek, Pro-Ativu Iha Kontextu Sosial no Polítika Timor Leste ne’e hakotu Iis iha Ospital Nasional Guido Valadares Dili
Sisto dos Santos Fila Hikas Ba Aman Maromak tanba sofre ho moras Ne’ebe komplexu liliu Kankro Raan, ikus Mai la Konsege rekupera Ninia Saúde no Iis kotu ohin madrugada, iha Ospital Nasional Dili, (17/3/2023).
Sisto dos Santos Jerasaun Foun Ne’ebe Kualidade intelectual, Integridade Liderança, Berani Foti Risku, Krítiku Konstrutivu, Matenek Na’in, Líder Exemplar, Lider Inspirador, Líder Ne’ebe Nakonu Ho Espíritu Solidáriu, Espiritu Fraternidade, Espiritu Voluntarizmu no Civizmu.
Líder Foinsa’e Ne’ebe sai modelu no espellu ba Ativista Joven Sira, Ativista Direitus Humanos, Ativista Defende Justisa, Ativista Ne’ebe Kontra Desigual, Violasaun, Diskriminasaun, Kontra Koluzaun, Nepotismo, Korupsaun, Kontra Partizarizmu, no Primordializmu.
Líder Ne’ebe Sempre Apóia no Motiva juventude Sira, Hamutuk Hó Foinsa’e no Dudu Foinsa’e Sira oinsa hateke ba oin. Líder Ne’ebe defende vulnerável Ka Kbiit laek Sira, líder Ne’ebe sempre defende interese Estadu no Povu Husi interese Grupu Tantu Partidu, Líder Ne’ebe lá tauk, lá hakiduk, lá hakfodak no rende Hasoru problema no ameasa sira
Líder ne’e lakon ona iha Joven Sira Nia matan, Trizte hafalun Joven ativista Sira, nakukun hafalun família boot Munisipiu Lautém. Moris Mai mundu tanesan bainaka, Sisto dos Santos Fila Ona Ba Maromak Nia Kadunan Santu. Povu Timor-Leste Kesi Lutu Metan.
Daudaun ne’e Mate Isin Sisto dos Santos Iha Ona Rezidensia Matebean Nian iha Bebonuk, Deskansa Ho Hakmatek Matebean Sisto dos Santos. Boa Viajem e Até Um Dia
Rekorda mos katak, Xisto Dos Santos Nudar atual Membru RENETIL, Diretor Ezekutivu Assosiasaun HAK, Mestre Ba Foinsa’e Ativista Sira, Defensor no guardião Ne’ebe aktivu iha Kontextu Timor Leste
Portantu, Notisia Kompletu SAP News TL sei Rekolla no Públika iha oras balun tuir Mai
Jornalista: Esmeralda da Silva
Foto: Antonio Tilman (Foto Ne’e hasai Wainhira Sisto dos Santos partisipa iha Selebra loron japonezes Mai Timor Leste no Hamutuk hó vítima no Família vítima Sira iha tempu Japaun 1942-1945), Lesidere, Dili, 20/02/2023 (SAPNewsTL)